شفت فى (TV)معلومات عن فشل الحقن وقلت لازم انقلهالكم (قناه المحور)

النهردة كنت بفطر الصبح وبقلب فى التي في


وفتحت على قناه المحور لقيت دكتور اسمة تقريبا شريف عبد الحميد فى برنامج بيتكلم عن الحقن المجهرى


وكان حلقة الموضوع عن اسباب فشل الحقن


وانا عشان بدخل كل يوم وبقرأ المواضيع فلقيت كتير بيدور على اسباب فشل الحقن


فقلت افيدكم باللي سمعتى ويارب تكون صدقة جارية


ويارب اكون قدرت افيد اللى عايز يعرف


وساعدنى يارب منساش حاجة





اولا/تكلم عن بويضات المراة وقال ان ممكن جدا يكون المبيض المسحوب منه البويضلت ضعيف فأنتج بويضات ضعيفة


ثانيا/قال ان اى غلط فى اى نوع من العلاج المقترح قبل عملية الحقن بيؤثر جدا على نجاح العملية حتى ولو كان حقنى عضل بسن ابرة طخين اتخد رفيع بردة يأثر
لازم خطوات وطريقة العلاج تكون ثابتة وسليمة


ثالثا/المعمل:::قال المعمل من الاسباب الهامة ومن ضمن الاسباب ان المفروض المعمل يكون غير معرض لاشعة الشمس ولا يدخلة الشمس ويكون مجهز بطاااااااااقم ممتاز من الدكاترة والمررضات المتخصصة


رابعا/الزوج؟؟ودة مهم اوى مهم تحليلة وعلاجة ومفيش مشكلة حتى لو مش عندة سائل منوي طالما يوجد الخلايا المكونة للسائل المنوى


وقال ودة مهم ان مش معنى ان سحبنا عينة السائل ولقينها كويسة يبقى كدة خلاص هنلقح لالالالا


لازم لازم لازم نكبر السائل المنوى (تحت الميكروسكوب) وممكن نكبره الى 400 او 500 وحدة والتكبير دة بيعرفنا حاجات مهمة جدا مكناش شيفنها تحت الميكروسكوب العادى


وهى ان لما نكبر ممكن نلاقى ان الحيوان مش قوى او مشوه او مش كامل والحاجات دى مكنتش باينة فى المجهر العادى


خامسا/ الليزر.....الليزر الوقت بقة لية تقنية عالية جدا جدا فى ان لو الحيوان المنوى مش قادر يخترق البويضة فبدل ما نعلن عن فشل الحقن لا


الليزر الوقت بيساعدنا ان الحيوان المنوى يخترق البويضة


سادسا/وصل العلم الحديث الوقت ان بعد انقسام الجنين ممكن نخد خليه من الجنين ونحللها ونعرف اذا كان بيها اى امراض وراثية او خلل فى التكوين او عيوب خلقية وساعتها بتستبعد الجنين دة


سابعا/عدم الاستعجال ابدا فى الحقن المجهرى وممكن نأخرة شهر او شهرين لحد ما نظبط كل شئ







ولو افتكرت شئ تانى ان شاء الله هضيفه

مشكور على الطرح الجميل