[size=16]بسم الله الرحمن الرحيم
اللهم صل على محمد وآل محمد وعجل فرجهم والعن أعدائهم
السلام عليكم ورحمة الله وبركاته
وعظم الله أجوركم
********************
أختـك الصـوب النهـر كصـدت يعـبـاس

شافتك عالشاطـي دامـي امهشمـم الـراس

*****************
[center]ياقمر إختـك حزينـه اوتنثـر المدمـع دمـه
اتعنتك صـوب الشريعـه اوبالنوايـح هايمـه
وبظهر مكسور اجتك بت علي حامـي الحمـه
اوتندب الفرقـاك زينـب ياصريـع الملحمـه
اوتنتـحـب لجـلـك يبوفـاضـل يـفـراس
شافتك عالشاطـي دامـي امهشمـم الـراس
****************
هاي زينب وانت تدري منهو زينـب ياكمـر
هاي ربة خدر وانـت مـن جفلهـا بالسفـر
مصرعك لوع قلبهـا والظهـر منهـا انكسـر
مثل كسرة ظهر اخيك حيـن شافـك عالنهـر
مثـل اخوهـا مرعليهـا نفـس الإحـسـاس
شافتك عالشاطـي دامـي امهشمـم الـراس
***************
لمحت اجفوفك قطيعه عالنهـر يبـي الفضـل
والعلـم ملفـوف يمهـا والأمـر ماينحـمـل
صاحت ابصيحة ملامه اودمعة الفركـه تهـل
ماحسبت اتروح منـي اوعالشريعـه تنجتـل
وبممـاتـك ياكمربيـهـا اشمـتـت نــاس
شافتك عالشاطـي دامـي امهشمـم الـراس
***********
نزفك ايهل يابوفاضـل وامتـزج وي العـذب
وانمرد قلب العقيلـه اعليـك وبهـم تنتحـب
جابت اوياها الك صوغه ادموع سكنه التنسجب
هالدمـع يحمـل وصيـه لاتخلينـه ابـغـرب
مـن تخلينـه عليـنـه تهـجـم ارجــاس
شافتك عالشاطـي دامـي امهشمـم الـراس
*********************
سايـرت روح العقيلـة حالـه تشبـه للنـدم
قالـت المـن ياجفيلـي بينـت حـال الحـرم
يوم قتلك من ظمانه بالمهـج جمـر انضـرم
ريتنه ابجمرة عطشنه ابكينه واجرعنـه الألـم
والأهـم تبكـه انـت سالـم ياأبـو الـبـاس
شافتك عالشاطـي دامـي امهشمـم الـراس
******************
نادتك بضعة الزهـره والقلـب منهـا انمـرد
ياكمر إنت حمانـا اوتحضـر ابوقـت الشـدد
بالفعل وفيت خويه اعلـى الشريعـه بالوعـد
والدليل ابعيني أنظـر عالنهـر طـاح الجسـد
لاجـن اخلافـك العيلـه ابـلايـا حــراس
شافتـك عالشاطـي دامـي امهشـم الـراس
*********************
ولاتنسونا من الدعاء
[/center]