احكيلنا عن هوايتك للصيد (موضوع ممتع ان شاء الله )

السلام عليكم

تعالو نتشارك النقاش احكولنا عن هوايتكم فى نقاط وضعتها لكم لتسهيل الشرح

*مين الى علمك الصيد

*مين الى بيشجعك عليه دايما

*ايه اول مكان اصطدت فيه

*ايه الطعم الى استخدمتو

*اصطدت ايه لاول مره ؟ (نوع السمكه )

*الى علمك الصيد ايه اكتر كلمه بينصحك بيها

*حاسس انك بتتقدم فى الصيد

*زهقت من الصيد فى يوم من الايام

*ايه احسن طعم بالنسبالك

* ايه احسن نوع رابلا بالنسبالك

* ايه احسن نوع سنون بتحب شغلو

*اكبر سمكه اصطدتها وازاى

*افضل مكان بتحب تصطاد منو (مع التفاصيل عن الطعم وانواع السمك المتواجده فيه وحجم السنون والخيوط )

* افضل نصيحه سمعتها من صياد قديم

* ايه الايام الى بتحب تطلع تصطاد

ونا هابتدى بالاجابه على الاسئله

*مين الى علمك الصيد

من زمان ونا طفل كان فى ناس بيصطادو جنب بيتنا من الشط كنت بتفرج عليهم واتعلمت

*مين الى بيشجعك عليه دايما

الصحبه الى بصطاد معاها دايما كل مره

*ايه اول مكان اصطدت فيه

كورنيش الدمام فى المملكه العربيه السعوديه

*ايه الطعم الى استخدمتو

مصارين فراخ
*اصطدت ايه لاول مره ؟ (نوع السمكه )

مش عارف بس حاجه مكرسكوبيه + كابوريا

*الى علمك الصيد ايه اكتر كلمه بينصحك بيها

....................

*حاسس انك بتتقدم فى الصيد

الحمد لله

*زهقت من الصيد فى يوم من الايام

الايام الى بيكون فيها البحر ممنع ونفسى اصطاد ومش لاقى سمك زى شهر تلاته واربعه مثلا

*ايه احسن طعم بالنسبالك

السردين

* ايه احسن نوع رابلا بالنسبالك

ستورم + ريد هيد

* ايه احسن نوع سنون بتحب شغلو

السنون الضخمه

*اكبر سمكه اصطدتها وازاى

كانت كوشر وللاسف ماوزنتش بس كانت ماشاء الله كبيره جبتها بسردينه ميته تسقيط من مركب فى العين السخنه على شعبه بلنسه

*افضل مكان بتحب تصطاد منو (مع التفاصيل عن الطعم وانواع السمك المتواجده فيه وحجم السنون والخيوط )

البحر الاحمر عموما والخيوط التمانين على لينسه وسنون كبيره مع سردين ميت او نقط صاحى والاسماك كوشر وشعور اما على العايم البلاط والجمبرور والخرمان والطعم جمبرى

* افضل نصيحه سمعتها من صياد قديم

حس بالسمكه بعقلك واوعى تفتكر ان الصيد عضلات ولما تقع منك السمكه اعرف انك غلطت ومش من نصيبك

* ايه الايام الى بتحب تطلع تصطاد فيها ؟

اى يوم غير الخميس والجمعه

مشكور على الموضوع الفرح و المرح و الطويل

هههههه

الله يعطيك الف عافيه ع المنتدى رائع